Spanjë: Kapen shqiptarët teksa transportonin lëndë narkotike

Foto sc "X": @policia

Pesë persona të një bande kriminale në Spanjë janë arrestuar nën dyshimet se janë të përfshirë në trafikun e drogës në shkallë të gjerë.

Banda kriminale e përbërë nga shqiptarë, holandezë dhe lituanezë është goditur nga policia spanjolle pas sekuestrimit të një sasie me lëndë narkotike (kokainë) të fshehur në thasët me pelet për ngrohje që po transportoheshin me kamion, shkruan TCH, transmeton albinfo.ch.

Policia spanjolle ka sekuestruar 16 tonë pelet, teksa pas kontrollit të bërë në dy magazina të grupit kriminal, u gjetën dhe u sekuestruan 5 kilogramë drogë sintetike, 3965 euro kesh si dhe mjete të tjera që shërbenin për paketimin e drogës.

Trafikantët përdornin portet spanjolle për të kaluar drogën të fshehur në kontejnerë.

🚩Intervenidas 16 toneladas de #pellet impregnados con #cocaína y desmantelado un centro de procesamiento de drogas sintéticas

🤝Operación conjunta con Agencia Tributaria

🔹5 detenidos e intervenidos más de 5 kg de drogas de síntesis (speed y MDMA) y 3.965€ entre otros efectos pic.twitter.com/aRwn8s7gH2

— Policía Nacional (@policia) April 7, 2024