Tematike
Spar ngul këmbë, nuk e kthen pijen “Shqip King” në raftet e saj
"Meqenëse simbolika mbi produktin mund të interpretohet negativisht dhe kjo simbolikë nuk është e favorshme për neutralitetin, barazinë dhe bashkimin e të gjithëve, produkti është hequr"
Javën e kaluar, kompania e shitjes me pakicë “Spar” kishte hequr nga asortimenti i disa marketeve të saj pijen energjike “Shqip King”, shkruan albinfo.ch. Kjo pije e prodhuar nga zvicerani Markus Brun, në etiketën e saj mbante shenjën e shqiponjës dykrenare, gjegjësisht të imitimit të saj përmes gjestit të njohur me kryqëzim të duarve.
Pija me këtë etiketë, sipas Spar-it “mbart potencial konflikti”, duke iu referuar peshës simbolike që ky gjest ka për shqiptarët.
Pas reagimeve të shumta të shqiptarëve në rrjete sociale e forume të tjera, ditë më parë kundër këtij vendimi ka reaguar edhe Kuvendi i Shqiptarëve të Zvicrës, reagim të cilin e ka botuar albinfo.ch.
Kuvendi kishte mbrojtur qëndrimin se gjesti i shqiponjës, i popullarizuar sidomos tek të rinjtë, nuk drejtohet kundër askujt prandaj është thjesht një përshëndetje dhe shenjë e shprehjes së gëzimit.
Ndërkohë edhe media zvicerane janë marrë me këtë temë. Gazeta Blick, pasi ka botuar pjesë nga reagimi i KSHZ, ka marrë edhe mendimin e kompanisë Spar, e cila vazhdon të mbrojë qëndrimin e saj të prerë rreth heqjes së pijes energjike në fjalë.
“Si një kompani kozmopolite, Spar është e përkushtuar ndaj neutralitetit, drejtësisë dhe barazisë, pavarësisht prejardhjes së njerëzve” ka shkruar një zëdhënëse e kompanisë, transmeton albinfo.ch. Ky është madje një faktor suksesi i kompanisë dhe në mënyrë që ajo të mbetet e tillë, Spar distancohet nga politika, feja, nacionalizmi, ekstremizmi dhe derivatet e ndryshme të mundshme prej saj.
Më tutje Spar shkruan: “Pija energjike Shqip King nuk ishte artikull zyrtar i Spar dhe për këtë arsye nuk është renditur kurrë nga Spar. Produkti në fjalë ishte i disponueshëm vetëm nga pesë dyqane për një kohë të shkurtër. Meqenëse simbolika mbi produktin mund të interpretohet negativisht dhe kjo simbolikë nuk është e favorshme për neutralitetin, barazinë dhe bashkimin e të gjithëve, produkti është hequr “.
Të ngjashme
Të tjera nga Tematike
E-Diaspora
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern Pas pushimit të pranverës, Shkolla Shqipe Ostermundigen Bern ka rinisur mësimin plotësues të gjuhës shqipe, transmeton...
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën