Lajme

Standardi i jetesës në Zvicër dhe Austri, më i lartë se në pjesën më të madhe të Evropës

Standardi i jetesës në Zvicër u rendit lartë në indeksin e fundit që përfshiu të gjitha shtetet Evropës

Një studim i ri nga Enti Federal i Statistikave (FSO) e ka renditur Zvicrën në vendin e tretë, pas Luksemburgut dhe Norvegjisë, për sa i përket shpërndarjes së të ardhurave dhe standardit të jetesës, shkruan albinfo.ch.

“Standardi i jetesës në Zvicër mbetet një nga më të lartët në Evropë. Kjo do të thotë se pavarësisht niveleve të larta të çmimeve, gjendja financiare e popullsisë, pas zbritjes së shpenzimeve të detyrueshme, është më komode se ajo e vendeve fqinje dhe vendeve të Bashkimit Evropian”, tha OFS.

Të ardhurat mesatare të disponueshme në Zvicër për vitin 2020 – viti i fundit për të cilin disponohen të dhëna zyrtare – ishte 2.1 herë më i lartë se ai i Portugalisë, 1.4 herë më i lartë se ai i Francës, 1.2 herë më i lartë se ai i Gjermanisë dhe 1.1 herë më i lartë se ai të Austrisë, sipas FSO.

Edhe Austria është rënditur lart në këtë studim, sipas së cilës banorët e këtij shteti jetojnë me një standart të mirë jetese me të ardhura të larta, pavarësisht viteve të fundit qe ka kapluar kriza të gjitha shtetet.

Sipas FSO, Austria u rendit në vend të katërt, menjëherë pas Zvicrës për sa i përket shpërndarjes së të ardhurave dhe standardit të jetesës. /Albinfo.ch