Stoltenberg: NATO do të rrisë forcat e gatishmërisë

NATO do të rrisë masivisht numrin e forcave të saj në gatishmëri të lartë në mbi 300,000 ushtarë.

Kështu bëri të ditur këtë të hënë, Sekretari i Përgjithshëm Jens Stoltenberg.

“Ne do të transformojmë forcën e reagimit të NATO-s dhe do të rrisim numrin e forcave tona të gatishmërisë së lartë në mbi 300,000,” u tha ai gazetarëve përpara zhvillimit të samitit të NATO-s në Madrid, më 28 deri më 30 qershor.

Forca e reagimit të shpejtë të NATO-s, ka deri më tani rreth 40,000 trupa.

“Unë pres që aleatët të deklarojnë qartë se Rusia përbën një kërcënim të drejtpërdrejtë për sigurinë tonë, për vlerat tona, për rendin ndërkombëtar të bazuar në rregulla”, theksoi Stoltenberg.

Në samitin e Madridit, NATO pritet të ndryshojë edhe retorikën e saj për Rusinë, pasi në strategjinë e fundit të aleancës nga viti 2010, Moska përshkruhej ende si një partner strategjik./Reuters