Studentët në Zvicër protestojnë kundër rregullit të certifikatës Covid

Studentët në disa universitete në Zvicër kanë organizuar protesta kundër përdorimit të detyrueshëm të certifikatave Covid për të ndjekur kurse, përcjell albinfo.ch.

Të hënën demonstruesit në qytetet e Cyrihut, Lucernit dhe Bernës bënë thirrje për qasje falas në arsim. Ata argumentojnë se është diskriminuese të kërkosh një certifikatë që tregon se një person ose është vaksinuar plotësisht kundër Covid-19, është shëruar nga virusi ose ka një rezultat negativ të testit.

Numri i protestuesve në Cyrih u vlerësua në rreth 150, ndërsa 100 dolën në Lucern, sipas agjencisë zvicerane të lajmeve, Keystone-SDA, përcjell tutje albinfo.ch.

Protestat përkojnë me fillimin e një mandati të ri për 300,000 studentë universitarë në gjithë vendin. Shumica e 12 universiteteve të Zvicrës thonë se studentët kanë nevojë për një certifikatë Covid për të marrë pjesë në ligjërata dhe kurse personalisht. Pak më shumë se 53% e popullsisë zvicerane janë vaksinuar kundër Covid. Vaksinimet kundër Covid nuk janë të detyrueshme në Zvicër, por qeveria kohët e fundit ka forcuar rregulloret.

LAJME INTERESANTE NGA INTERNETI