Suedia, me ligj të ri për pandeminë

@thom_reijnders

Shteti suedez ndjeku një qasje krejt tjetër lidhur me pandeminë, përballimin dhe menaxhimin e situatës. Së fundmi, një ligj i ri ka hyrë në fuqi duke u dhënë kështu ministrave fuqi për të mbyllur vendet, përfshirë dyqanet, palestrat dhe kinematë për herë të parë që nga fillimi i pandemisë, përcjell albinfo.ch.

Mediat suedeze shkruajnë se masat u votuan përmes Parlamentit në Stokholm, pasi politikanëve iu kërkua që të ndërpresin para kohe pushimet dimërore.

Që prej fillimit të pandemisë, Suedia mori një drejtim tjetër ndaj pjesës tjetër të Europës.

Thuhet se ky ligj i ri do të lejojë qeverinë të vendosë masa shumë më të rrepta, teksa vendi është duke luftuar me Covid-19.

Ministrat kanë njoftuar tashmë një ndalim të më shumë se tetë personave në vendet e rezervuara të partive private, nga sallat e ngrënies në dhomat e përbashkëta në blloqet e apartamenteve.

Ata gjithashtu kanë thënë që numrat duhet të jenë të kufizuar në palestra, pishina dhe dyqane.

Autoritetet lokale do të kenë fuqinë të gjobisin bizneset që nuk ndjekin rregullat, ose t’i detyrojnë ato të mbyllen raporton BBC.

LAJME INTERESANTE NGA INTERNETI