Bota

Sulmi në Gjermani, raportohet se 4 persona kanë humbur jetën

Janë dhënë detaje për sulmin në Trier të Gjermanisë

Një fëmijë dhe tre njerëz të tjerë janë vrarë, ndërsa 15 janë plagosur nga masakra me makinë që la sot një “hendek të gjatë shkatërrimi” në qendrën e qytetit gjerman të Trier.

Sipas dëshmitarëve familjarë dhe një karrocë bebe “fluturuan në ajër” teksa një makinë tip Range Rover vërshoi në një rrugë këmbësorësh në Trier.

Gjithnjë sipas dëshmitarëve, viktimat tjerë u goditën para syve të fëmijëve të tmerruar që kishin dalë për blerjet e Krishtlindjeve me prindërit e tyre.

“Një shofer hyri duke goditur njerëz me makinë në qytet. Fillimisht ishin dy të vdekur por disa nga të plagosurit kanë plagë të rënda”, tha kryebashkiaku Wolfram Leibe Leibe mes lotëve në konferencën e shtypit, përcjell albinfo.ch.

“Unë kalova në qendër të qytetit, ishte e tmerrshme, një vajzë e vogël ishte mes viktimave”. Leibe tha se ende nuk është i qartë motivi për incidentin.

“Nuk mund të themi asgjë për kontekstin, nuk e dimë nëse është terror apo diçka tjetër”, u shpreh Uwe Konz, kreu i policisë së Trier.

Tregjet tradicionale të Krishtlindjeve janë mbyllur në Gjermani prej pandemisë, por dyqanet e zakonshme janë hapur.

Trier është 120 milje në perëndim të Frankfurt, pranë kufirit me Luxembourg.


LAJME INTERESANTE NGA INTERNETI