Taulant Xhaka rrezikon të mbetet jashtë Evropianit!

“Luani” i kombëtares shqiptare ka pësuar një tërheqje në kofshë, por pas kontrolleve mjekësore është thënë se ai do të qëndrojë larg fushës për disa javë.

Mesfushori i Bazelit, Taulant Xhaka është dëmtuar në ndeshjen e fundit të kampionatit zviceran në fitoren e ekipit të tij ndaj Sionit 2:1 e cila u luajt në fundjavën e kaluar ku Bazeli fitoi titullin për të 19-tën herë.

“Luani” i kombëtares shqiptare ka pësuar një tërheqje në kofshë, por pas kontrolleve mjekësore është thënë se ai do të qëndrojë larg fushës për disa javë. Kështu ka njoftuar klubi i Bazelit të mërkurën, shkruajnë mediat zvicerane, përcjell “albinfo.ch”.

Me këtë dëmtim Xhaka rrezikon grumbullimin në kombëtaren shqiptare për Kampionatin Evropian, megjithatë ende nuk dihet saktë se për sa kohë mund të jetë i gatshëm për kthimin e tij në fushë.

Taulant Xhaka konsiderohet si një nga shtyllat e kombëtares shqiptare dhe mungesa eventuale e tij do të sjell kokëçarje të madhe për ekipin shqiptar, i cili  për herë të parë merr pjesë në një kampionat evropian.

Ndeshja e parë e Shqipërisë do të luhet më 11 qershor kundër Zvicrës, ndeshje kjo e cila do të sjell një duel mes vëllezërve Taulant dhe Granit Xhaka.