Tematike
Të gjithë kundër iniciativës së SVP-së për shfuqizimin e lëvizjes së lirë me BE-në
Sipas iniciativës, në rast se një zgjidhje mbi baza mirëkuptimi me BE-në nuk është e mundur brenda një viti, atëherë Marrëveshja për Lëvizje të lirë me BE-në duhet të shfuqizohet njëanshëm brenda 30 ditëve
Pas refuzimit nga Këshilli Federal dhe Dhoma Nacionale, iniciativa e quajtur “e kufizimit” është hedhur poshtë sot edhe nga Dhoma e Kantoneve e Parlamentit të Zvicrës, raporton srf.ch. Votimi kundër saj ka qenë shumë bindës: 38 vota kundër, vetëm 4 pro dhe 3 abstenime.
Këtë iniciativë popullore e kishte ngritur SVP/UDC dhe përmes saj kërkohej që të shfuqizohet Marrëveshja për Lëvizje të Lirë me Bashkimin Evropian, transmeton albinfo.ch. Sipas saj, në rast se një zgjidhje mbi baza mirëkuptimi me BE-në nuk është e mundur brenda një viti, atëherë Marrëveshja për Lëvizje të lirë me BE-në duhet të shfuqizohet njëanshëm brenda 30 ditëve.
Por, siç ka theksuar në emrin e Këshillit Federal ministrja Karin Keller-Suter, jetësimi i kësaj iniciative do të rrezikonte mirëqenien zvicerane dhe shumë vende të punës, transmeton albinfo.ch.
Megjithatë, edhe Këshilli Federal në mesazhin e tij ka pranuar se migracioni, të cilin e mundëson liria e lëvizjes me BE-në, e ballafaqon Zvicrën me sfida.
Dy deputetë nga Grupi Parlamentar i SVP-së, Thomas Minder (i paparti) dhe Marco Chiesa (SVP, Tiçino) janë përpjekur t`i bindin deputetët e tjerë për të votuar në favor të iniciativës. Argumenti që ka përdorur deputeti Minder në këtë rast ishte ishte se “në asnjë shtet fqinj të Zvicrës nuk jetojnë kaq shumë shtetas të huaj sa në Zvicër”, përcjell albinfo.ch.
Pastaj ai ka kujtuar se Zvicra ka nevojë për një politikë migracioni dhe nuk guxon që drejtimin e migrimit t`ua lë në dorë vetë migrantëve”. Me këtë rast ai ka përmendur si shembull të kundërt Australinë, e cila, përkundër faktit se ka një hapësirë të stërmadhe, megjithatë e rregullon vetë migrimin.
Ndërsa Chiesa ka zënë në gojë problemet me të cilat përballet kantoni i tij, si kanton kufitar, probleme sipas tij, të shkaktuara nga të huajt.
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë