Lajme
Të gjithë pacientët e kujdesit intensiv në St. Gallen janë të pavaksinuar
"Të gjithë shtretërit në njësinë e kujdesit intensiv janë të zënë - dhe të gjithë me njerëz të pavaksinuar", thotë infermieri Gerald M. nga Spitali Kantonal në St.Gallen
Njësia e kujdesit intensiv në Spitalin Kantonal të St. Gallenit ka ekskluzivisht pacientë të pavaksinuar, të sëmurë me Covid. Një infermier tregon për stresin e vazhdueshëm që duhet të durojë stafi i punësuar aty.
30 nga 40 shtretërit e repartit të kujdesit intensiv në këtë spital janë aktualisht të zënë, 22 prej tyre, nga pacientë me Covid. Situata është veçanërisht e rëndë në këtë spital, raporton “FM1 Today”.
“Të gjithë shtretërit në njësinë e kujdesit intensiv janë të zënë – dhe të gjithë me njerëz të pavaksinuar, thotë për mediumin në fjalë infermieri Gerald M. *. “Nuk kemi asnjë pacient të vetëm të vaksinuar në pavijonin tonë për momentin, transmeton albinfo.ch. Në përgjithësi, përqindja e pacientëve të pavaksinuar, të sëmurë nga Covid në njësinë tonë të kujdesit intensiv ka qenë mbi 90 përqind në javët e fundit.
Mirëkuptimi i infermierëve ndaj të pavaksinuarve është në rënie, shpjegon më tej M. “Në fillim isha në gjendje ta përballoja më mirë, por në rrethanat kur kështu vazhdon pa pushim, përfundimisht do të ju mbarojë durimi. Sigurisht që kujdesem për të gjithë pacientët njëlloj dhe në të njëjtin nivel, por ka shumë moskuptim në këtë mes”. Ai nuk mund ta kuptojë përse ata nuk vaksinohen – në fund të fundit, nuk ka vaksinim tjetër, të monitoruar më mirë.
Situata pothuajse nuk ka ndryshuar gjatë vitit të kaluar. Përveç mungesës së stafit.
“Ekipi ynë është tkurrur aq shumë sa mezi përballojmë ngarkesën e punës, përcjell albinfo.ch. Shumë veta janë larguar nga stacioni relativisht ishpejt dhe janë riorientuar”, thotë M., duke përshkruar situatën. Stafi infermieror nuk ka kohë as “të marrë frymë”: “Sapo ta zhvendosim një pacient, do ta kemi tjetrin aty brenda menjëherë. Kjo të shkatërron nervat”.
Ndërrimet e gjata, përqendrimi i lartë dhe stresi psikologjik janë të lodhshëm.
Shumë njerëz tani mendojnë të gjejnë ndonjë punë tjetër. Por vetë M. nuk mendon kështu veten. “Mendimi im është ende se kjo është një punë shumë interesante dhe e larmishme”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?