Të huajt fitojnë të drejtën për poste ekzekutive në komuna

Në referendumin për këtë çështje, 13.623 veta kanë votuar pro dhe 11.618 kundër dhe me këtë, të huajt mund të zgjidhen edhe në qeveritë e komunave

Të huajt në kantonin Jura kanë fituar të drejtën që të zgjidhen në ekzekutivin e komunave ku jetojnë. Kështu kanë vendosur qytetarët me të drejtë vote në këtë kanton në referendumin e mbajtur të dielën. Në një pjesëmarrje prej 46.3 për qind, 13.623 veta kanë votuar pro dhe 11.618 kundër. Kjo e autorizon parlamentin për të rishikuar ligjin kantonal, duke e futur edhe nenin e ri.

Me këtë veprim, kantoni Jura ka marrë rol paraprijës në nivel të Zvicrës sa i përket avancimit të të drejtave të të huajve.Për t`u zgjedhur në ekzekutivin e komunave përkatëse, të huajt duhet të kenë qëndruar së paku dhjetë vjet në Zvicër dhe një vit në kantoni Jura.

Të drejtën për t`u zgjedhur në asambletë komunale të huajt në disa komuna  të Jura-s e kanë që nga viti 2000. Por, për kryesitë e komunave dhe për Parlamentin e Kantonit edhe më tutje të drejtë zgjedhjeje kanë vetëm personat me shtetësi zvicerane.

Nga ana tjetër, të drejtën për të votuar në nivel komune dhe kantoni, të huajt e kanë të garantuar në kushtetutën e këtij kantoni që nga themelimi i tij, gjegjësisht që nga viti 1979.

Por, e drejta për t`u zgjedhur në ekzekutivin komunal u fitua pas përpjekjes së tretë të bërë në referendume, shkruan 20min.ch. Në vitin 1996 dhe në vitin 2007 populli e kishte hedhur poshtë me votën e tij një mundësi të tillë.

Ndërkohë që kantoni Jura e përforcon rolin e tij prej pionieri në avancimin e të huajve në sistemin politik, në kantonin Schaffhausen ka ndodhur diçka e kundërt. Me shumicë dërmuese votash (28.05 Kundër dhe vetëm 4964 Pro), populli ka kundërshtuar iniciativën e grupimit politik “Alternativen” për t`u dhënë të huajve të drejtën e votës në nivel komune.

Iniciativa kërkonte që të huajt të cilët jetojnë në këtë kanton më gjatë se pesë vite.