Lajme
Të pavaksinuarit, 11 herë më në rrezik të vdesin nga Covidi sesa të vaksinuarit
Shifrat e fundit të BAG tani e bëjnë të qartë se sa më i lartë është rreziku i vdekjes nga korona tek njerëzit e pavaksinuar, në krahasim me të vaksinuarit
Në një kohë që shumë veta në Zvicër e kanë marrë tashmë edhe vaksinën përforcuese (dozën e tretë), mbi një e treta e popullsisë ende nuk është vaksinuar fare kundër koronës. Statistikat më të reja tregojnë se sa shumë ndihmon vaksina në rastet ekstreme, transmeton albinfo.ch.
Zyra Federale e Shëndetit Publik (BAG) ka raportuar 51 vdekje në lidhje me koronavirusin të premten e kaluar. ndërsa 46 persona të tjerë kanë vdekur gjatë fundjavës.
Mjekët, mjekët e kujdesit intensiv dhe shkencëtarët kanë predikuar për javë të tëra se shumë nga këto vdekje mund të evitoheshin. Kjo për faktin se numri dukshëm më i madhe e personave që vdesin nga Korona sot në Zvicër nuk ishin të vaksinuar, shkruan blick.ch. Për më tepër, shifrat e fundit të BAG tani e bëjnë të qartë se sa më i lartë është rreziku i vdekjes nga korona tek njerëzit e pavaksinuar, në krahasim me të vaksinuarit.
Shkalla e vaksinimit në Zvicër është 66 për qind
Platforma “Our World in Data” nga Universiteti i Oksfordit ka përmbledhur shifrat e raportuara nga Qeveria Federale për gjithë javën e kaluar, nga 4 dhjetori. Këto shifra tregojnë se probabiliteti i vdekjes si pasojë e infeksionit me koronavirus është njëmbëdhjetë herë më i lartë tek personat e pavaksinuar sesa tek pacientët e vaksinuar.
Për realizimin e kësaj statistike, është regjistruar numri i vdekjeve në çdo grupmoshë dhe më pas ai numdër është pjesëtuar me numrin total të personave në atë grupmoshë përkatëse, përcjell albinfo.ch. Më pas, kjo vlerë u projektua për 100,000 njerëz.
Në Zvicër, shkalla e personave plotësisht të vaksinuar është aktualisht rreth 66 për qind. Në kategorinë veçanërisht të cenueshme, atë të moshës 65 vjeç e lart, mbi 89 përqind e njerëzve tani janë plotësisht të vaksinuar dhe pothuajse gjysma nga kjo kategori kanë marrë tashmë një vaksinim përforcues.
Të ngjashme
Të tjera nga Lajme
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim