Bota
Tetë persona humbin jetën nga ortekët në Itali, në mesin e tyre edhe një zviceran
Në Alpet italiane për momentin ekziston një rrezik i lartë i shembjes së ortekëve. Gjatë ditës ësë diel, tetë persona kanë humbur jetën pas shembjes së disa ortekëve, duke përfshirë këtu edhe një zviceran, shkruajnë mediat zvicerane, përcjell Albinfo.ch.
Në Italinë Veriore, tetë persona e kanë humbur jetën pas shembjes së disa ortekëve. Të gjithë kanë qenë jashtë pistës, kanë deklaruar të hënën nga ekipi i shpëtimit.
Gjashtë persona kanë vdekur në Luginën e Aostas, një 18-vjeçar në Tirolin e Jugut në krahinën e Bolzanos. Një tjetër vdekje ndodhi në Lombardi.
Sipas njoftimeve të mediave gjatë ditës së hënë, në Courmayeur në Luginën e Aostas pranë kufirit zviceran, ekipet e shpëtimit kanë qenë në kërkim të personave të zhdukur. Më parë, punonjësit e shpëtimit kishin zbuluar trupat e tre skiatorëve që kishin munguar që nga e diela, njoftoi e përditëshmja La Repubblica, përcjell Albinfo.ch.
Sipas agjencisë së lajmeve Ansa, bëhej fjalë për një grua 39-vjeçare nga Zelanda e Re dhe një shtetas 43-vjeçar zviceran që jetonin në Britaninë e Madhe, si dhe një francez 36-vjeçar. Për shkak të rrezikut ende të lartë të ortekëve, puna e kërkimit dhe shpëtimit ishte e vështirë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit