Kosova

Thaçi: Kosova, së shpejti pjesë e NATO-s

Presidenti i Kosovës, Hashim Thaçi, ka shprehur mirënjohje ndaj shteteve që kanë shpëtuar Kosovën nga gjenocidi i Serbisë.

Thaçi ka thënë edhe tani misioni i NATO-s në Kosovë është duke bërë punë të shkëlqyer.

Sipas tij, Kosova me ushtrinë e vet të re po punon që shumë shpejt të bëhet pjesë e NATO-s, shkruajnë mediat kosovare, përcjell albinfo.ch.

Postimi i plotë i Thaçit:

Në këtë vit jubilar të NATO-s, në kuadër të të cilit po mbahet Samiti në Londër, në emër të institucioneve dhe popullit të Kosovës shpreh mirënjohje të pakufishme ndaj shteteve anëtare që para 20 vjetëve shpëtuan popullin tonë nga gjenocidi i Serbisë. Edhe në këtë kohë të sfidave dhe rreziqeve të reja për sigurinë globale, misioni i NATO-s në Kosovë është duke bërë punë të shkëlqyer. Kosova me ushtrinë e vet të re po punon që shumë shpejt të bëhet pjesë e NATO-s dhe të kontribuojë për paqen dhe stabilitetin në botë.