Turizëm

“The Guardian” për Shqipërinë: E çuditshme, antike dhe e mrekullueshme

Gazeta e njohur britanike “The Guardian” së fundmi i ka kushtuar një artikull Shqipërisë, përcjell albinfo.ch.

“I çuditshëm, antik dhe i mrekullueshëm. Ka shumë për të zbuluar ndërmjet kryqëzimeve kulturore të një vendi që ju siguron një aventurë të vërtetë, shkruan Fiona Dunlop për gazetën ”The Guardian”, transmeton në shqip ATSH.

Dunlop po ashtu ka shkruar se i ka lënë përshtypje zakoni i lëkundjes me kokë te shqiptarët, për të thënë “po” ose “jo”, kurse gjuhën shqipe e ka cilësuar më ndryshe nga çdo gjuhë tjetër.

“”Ishte një ujk? Ndërsa makina jonë u hepua në një tjetër kthesë të ngushtë në një fshat shqiptar, një krijesë e çuditshme me qime po na shihte nga buza e rrugës. Pa dyshim që ishte ujk, pasi sapo kishim lënë pas një rezervat natyror, ku një panel për faunën lokale bënte fjalë për një canis lupus identik.

Kjo nuk ishte përvoja e vetme e papritur në vendin e Zogut (mbreti i vetëm i Shqipërisë, në vitet 1920-30), vend që nën diktatorin represiv Enver Hoxha, u mbyll hermetikisht deri në vitet ’90 nga pjesa tjetër e Europës.

Ne kishim vendosur të nisnim udhëtimin tonë në Korfuz, për të shmangur kaosin dhe shpenzimet në kryeqytetin, Tiranë. Nga gjithë ngushtica, silueta malore e Shqipërisë u shfaq dhe iku çuditshëm si një aureolë, kështu që kur anija jonë më në fund gulçiti në portin e Sarandës, ishte një tronditje të gjeje një xhungël me ndërtesa të ngritura kuturu që përqafonin bregun”, ka shkruar ndër të tjerash Dunlop.

Artikullin e plotë mund ta lexoni në ATSH.