Lajme

Ticino mund ta bëjë të detyrueshme maskën në hapësirat publike

Nëse situata përkeqësohet, mund të imponohej  detyrimi për vënie të maskës në hapësira  publike, ka thënë të enjten kryeministri i Kantonit, Norman Gobbi

Qeveria e Kantonit të Ticinos ka vendosur t`i shtrijë masat në luftën kundër pandemisë Covid 19 deri më 24 gusht, shkruan srf.ch

Nëse situata përkeqësohet, mund të imponohej  detyrimi për vënie të maskës në hapësira  publike, ka thënë të enjten kryeministri i Kantonit, Norman Gobbi.

Masat e vendosura më 16 korrik skadojnë të dielën e ardhshme, transmeton albinfo.ch.

Ndërkohë, pasi që ato të zgjaten deri më 24 gusht, këshilli qeveritar do të rivlerësojë situatën, ka shtuar Gobbi. Ai përveç faktit që është në krye të këshillit qeveritar, drejton edhe drejtorinë e brendshme në kuadër të qeverisë.

Situata aktualisht është nën kontroll dhe numri i infeksioneve të reja me koronavirus është nën kufirin prej dhjetë (raste në 100 mijë banorë), ka thënë Gobbi, përcjell albinfo.ch. Masat e tanishme mund të quhen të mjaftueshme, por popullata duhet të vazhdojë t’u përmbahet rregullave.

Qeveria pritet të vendosë të hënën se si  do të trajtojë kantoni Ticino fillimin e vitit të ri shkollor, të planifikuar për 31 gusht.