Sport
Tifozët shqiptarë e kallin Palermon
Tifozëria shqiptare kësaj here ishte e heshtur e krijonte pak ovacione, por gjëmimin më të madh e dha përmes fishezjarrëve që ishte një shëmti që duhet ndalur.
Loja e humbur mbrëmë ndaj Italisë do të mbetet një kujtim i hidhur për të gjithë ata shikues që ishin në stadiumin “Renzo Barbera”. Grupe të tifozërisë nga sektori ku ishin te vendosur “Illyrian Elite” dhe “Plisat” kanë hedhur me dhjetëra fishekzjarre në fushë, gjë që ka shtyrë arbitrin ta ndalë lojën për disa minuta.
Hedhja e një fishekzjarri nga sektori i “Plisave” në tribunën e tifozërisë italiane, ka provokur një reagim të fuqishëm të tifozërisë italiane, e cila bërtiste nxirrni, nxirrni jashtë…
Kjo sjellje e shëmtuar e disa tifozëve nuk është pritur aspak mirë as nga tifozët shqiptarë.
“Ishim tifozëria më e mirë e më simpatike në Francë. Kishim lënë përshtypjet më të mira në Lens ndaj Zvicrës, në Marsej ndaj Francës dhe në Lion ndaj Rumanisë, duke bërë që të na duartrokasin të gjitha mediat ndërkombëtare dhe tani vetëm pas disa muajsh po e humbim këtë epitet nga shkaku i disa huliganëve të papërgjegjshëm”, thotë Nikoll Pervorfi, i cili kishte udhëtuar nga Zvicra në Palermo të Italisë për të parë përballjen e shumëpritur mes italianëve dhe shqiptarëve.
Nga ajo që është dëgjuar, grupi i tifozëve që hidhnin fishekzjarre, kërkonin lirimin e Ramushit.
“Liri për Ramushin” është dëgjuar disa herë thirrja e tyre mes tymit e flakës që nuk dukej më asgjë”.
Ajo çfarë mbase nuk mund ta dinë futbolldashësit, është se grupi i tifozërisë “Illyrian Elite” ka bërë shfaqjen e parë publike, me ndezje të fishekzjarrëve vetëm, pas mbarimit të kampionatit Europian, në Vaduz në lojën Liechtenstein-Shqipëri dhe tani në lojën e dytë jashtë vendit, përballë Italisë, ku i dhanë stadiumit pamjen e vullkanit Etna. Kurse për “Plisat” nga ku ka fluturuar fishekzjarri në pjesën e tifozëve italianë është një gjest i turpshëm për ta dhe për të gjithë ne që duam të shohim futboll. Megjithatë, në bisedë me disa nga tifozët e Plisave, ata thanë se ai fishekzjarri ra aksidentalisht në sektorin e tifozëve vendas.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën