Toleranca fetare te shqiptarët dëshmohet edhe te avokatët në Kosovë

Tolerancën fetare dhe bashkëpunimin në mes feve e shkëlqyer në Kosovë e tregon edhe rasti i avokatëve Nora Veliu dhe Arianit Koci.

Veliu me përkatësi myslimane dhe Koci me katolike thonë se s’kanë pasur kurrë asnjë koment negativ, pos që ndonjëherë kanë hasur në habi te të tjerët.

Sipas Veliut, klientët e saj kur e kanë parë për herë të parë e kanë shikuar atë me befasi.

Mirëpo, sipas saj ende duhet kohë që njerëzit të fillojnë të besojnë se gratë që bartin mbulesën nuk janë vetëm fetare, por ato kanë edhe profesionet e tyre që munden t’i ushtrojnë pa asnjë pengesë, shkruan Radio Evropa e Lirë.

“Ne kemi shumë çka të bisedojmë. Unë si fëmijë i martesës së përzier babanë e kam katolin, nënën myslimane. Bisedojmë për Kuranin, bisedojmë për Biblën. Nora në baza ditore e lexon edhe Biblën edhe Kuranin. Kështu që kemi shumë çka që të bisedojmë, por të shumtën e herëve bisedojmë për profesionin”, thotë Koci, përcjell albinfo.ch.