Tragjedi në Gjermani: Konduktori i trenit humb jetën pas sulmit nga pasagjeri pa biletë

pixabay

Një ngjarje e rëndë ka ndodhur në Rheinland-Pfalz, Gjermani, ku një konduktor i trenit ka humbur jetën pasi u sulmua nga një pasagjer që nuk kishte biletë.

Incidenti ndodhi gjatë kontrollit të biletave në një tren rajonal që sapo kishte nisur nga stacioni i Landstuhl. Kur konduktori i kërkoi të paguante ose të zbriste, pasagjeri 26-vjeçar u përfshi në një debat verbal me të dhe më pas e sulmoi fizikisht, duke i shkaktuar lëndime të rënda në kokë.

Konduktori u dërgua menjëherë në spital, por pavarësisht përpjekjeve të mjekëve, ai nuk mundi të mbijetojë.