Turistët gjermanë dënohen dhe dëbohen nga Venecia, kjo është arsyeja

Dy turistë gjermanë u gjobitën të premten sepse kishin bërë një kafe urën e famshme Rialto në Venecia

Të dy turistët nga Berlini, të moshës 32 dhe 35 vjeç, kishin bërë vetë kafetë në urën e famshme, kur janë parë nga një kalimtar dhe u raportuan në polici, thanë autoritetet në një deklaratë, përcjell albinfo.ch.

Duke përdorur një ligj të sapomiratuar, oficerët e policisë i kanë gjobitur ata me 950 € (1,050 $) për sjellje të pahijshme dhe u kërkuan që të largoheshin nga Venecia.

Kryebashkiaku i qytetit, Luigi Brugnaro, është shprehur se Venecia duhet të respektohet për traditën e saj dhe çdokush që thyen rregullat, do të dënohet, shkruan The Local.

Ligji i ri, i miratuar në maj, përcakton rregulla për mirësjelljen, pastërtinë dhe sigurinë në qytet, që ka një popullsi prej vetëm 55,000 banorë, por çdo vit vizitohet nga rreth 30 milionë vizitorë dhe gjithnjë e më shumë ndjen efektet e dëmshme të turizmit masiv, përcjell tutje albinfo.ch.

 

---