Shqipëria
Turistët këtë vit sollën më pak euro në Shqipëri
Referuar statisitkave, ndonëse turizmi u gjallërua në gjysmën e parë të këtij viti, sërish ai mbetet nën nivelet e parakrizës së pandemisë COVID-19, përcjell albinfo.ch.
Sipas statistikave të Bilancit të Pagesave të publikuar nga Banka e Shqipërisë, që mat bilancin e udhëtimeve, shpenzimet e të huajve në këtë vend arritën në 687 milionë euro në 6-mujorin e parë të vitit, me një rënie prej 20 për qind ose 167 milionë euro më pak, në krahasim me janar-qershor 2019, që deri tani mban rekordin si viti më i mirë deri tani për turizmin.
INSTAT raportoi se për të njëjtën periudhë në vend hynë rreth 1.7 milionë shtetas të huaj, me një tkurrje prej 21 për qind në krahasim me janar-qershor 2019. Pesha e turistëve nga Kosova u rrit në rreth 50 për qind nga mbi 30% që ishte në periudhën kur lëvizja ishte normale, duke amortizuar disi mosardhjen e turistëve nga shtetet e Evropës Perëndimore e Lindore.
Të dhënat e Bankës së Shqipërisë tregojnë se gjithsesi hendeku me parakrizën ka filluar të ngushtohet që në tremujorin e dytë të vitit, teksa tkurrja ishte 11.6 për qind në raport me periudhën përkatëse nga 31 për qind në tremujorin e parë.
Vera ka sjellë një panoramë tjetër për turizmin në vend, duke e tejkaluar nivelin e 2019-së. Të dhënat e fundit nga Tirana International Airport (TIA), nga vijnë një pjesë e konsiderueshme e turistëve nga Evropa bënë të ditur se për periudhën korrik-gusht 2021 kanë udhëtuar rreth 983 mijë pasagjerë, me një rritje prej 21.3 për qind në krahasim me të njëjtën periudhë të 2019-së, që deri tani kishte qenë viti më i mirë i turizmit. Ndërsa në raport me korrik-gusht 2020, kur vendi po vuante pasojat e krizës, zgjerimi është 76 për qind.
Vetëm në korrik, trafiku i pasagjerëve ishte 9.6 për qind më i lartë se në të njëjtin muaj 2019 apo 70 për qind me vitin 2020, ndërsa në gusht rritja ishte më e fortë në gati 32 për qind apo 82 më shumë me të njëjtin muaj të 2020-së.
Vetëm në muajt e verës së këtij viti, shtetet e Bashkimit Evropian filluan të hiqnin gradualisht kufizimet e udhëtimit për shtetasit shqiptarë. Ndërsa në 6-mujorin e parë, daljet e shtetasve shqiptarë ishin rreth 36 për qind më të ulëta se e njëjta periudhë e 2019-së.
Si rrjedhojë edhe shpenzimet e shqiptarëve jashtë kanë shënuar një tkurrje të ndjeshme. Ato ishin rreth 400 milionë euro për periudhën janar- qershor 2021, me një tkurrje prej 43 për qind në krahasim me 6-mujorin 2019 ose rreth 300 milionë euro më pak.
Si rrjedhojë e hyrjeve më të larta të të huajve, në raport me daljet e shqiptarëve, bilanci neto i udhëtimeve, që nënkupton valutën që mbetet në Shqipëri, u përmirësua ndjeshëm në gati 290 milionë euro, që është rezultati më i mirë historik që kur raportohen të dhënat në 2008-ën.
Të ngjashme
Të tjera nga Shqipëria
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës