Tusk i vendosur për perspektivën europiane të Ballkanit Perëndimor

Donal Tusk, shefi i Këshillit Europian ka folur rreth takimit të krerëve europianë me shefat e shteteve të Ballkanit Perëndimor në Sofie gjatë 17 majit.

“Do të jetë një mundësi për të dyja palët që të riafirmojnë se perspektiva evropiane mbetet zgjidhja gjeostrategjike e Ballkanit Perëndimor. Përtej perspektivës afatgjate, ne duam të tregojmë se kujdesemi për zhvillimin socio-ekonomik në rajon këtu dhe tani”, ka shtuar ai.
Sipas Tusk, investimi në lidhjet infrastrukturore dhe njerëzore me dhe brenda Ballkanit Perëndimor është në interesin më të mirë të BE-së, për të cilin tha se do të jetë objektivi i samitit.

“Unë shpresoj që t’i sjellim miqtë tanë të Ballkanit Perëndimor më afër BE-së”, ka thënë në fund ai.