Twitter do ta padisë Elon Musk

(AP Photo/Susan Walsh, File).Elon Mush

Mesazhi që Twitter e ka për Elon Musk pas tentimit të tij të tërheqjes nga marrëveshja e blerjes së kompanisë për 44 miliardë dollarë: do të shihemi në gjyq.

“Bordi i Twitter është i përkushtuar që të përmbyllë transaksionin me çmimin dhe marrëveshjen e arritur më parë me z. Musk dhe planifikojnë që të ndërmarrin veprime ligjore për zbatimin e marrëveshjes së bashkimit mes tyre”, bëri të ditur shefi i Twitter, Bret Taylor, më pak se një orë pasi që ekipi ligjor i Musk deklaruan se ai donte të tërhiqej nga marrëveshja pas dërgimit të një dosjeje në Komisionin për Letra me Vlerë dhe Shkëmbim.

“Ne kemi besim se do të dalim triumfues në Gjykatën Civile të Delaware”, shkroi ndër të tjera në tweet-in e tij z. Taylor.

Kur Musk dhe Twitter nënshkruan marrëveshjen fillestare, dy palët ranë dakord që të paguajnë një tarifë të shkëputjes së marrëveshjes prej 1 miliard dollarëve, në rast se ndonjëra prej palëve tërhiqej për ndonjë arsye specifike.

Musk ra dakord që të paguante tarifën në rast se ai nuk mund të arrijë të sigurojë fondet që nevojiten për të përfunduar blerjen – gjë të cilën ende nuk ka arritur ta bëjë./TheVerge