Ukrainë: Riatdhesohen 517 fëmijë dhe afro 3000 të rritur të dëbuar ilegalisht nga rusët

Keystone (AP Photo/Evgeniy Maloletka)

Avokati i popullit ukrainas, Dmytro Lubinets, gjatë Takimit për Fomulën e Paqes në Davos, Zvicër, ka njoftuar se Ukraina ka riatdhesuar 517 fëmijë dhe 2,828 të rritur, të dëbuar në mënyrë të paligjshme nga forcat ruse.

Lubinets ka thënë se qëllimi i Ukrainës është riatdhesimi i çdo personi ose të mbajturi peng nga kombi agresor, ndërsa u ka bërë thirrje vendeve të tjera që të ndihmojnë në realizimin e këtij qëllimi, transmeton albinfo.ch.

Ndryshe, që nga pushtimi i shtetit ukrainas në fund të shkurtit të vitit 2022, Rusia ka dëbuar me forcë të paktën 19,546 fëmijë.