Kosova

Kamenicë: Bëhet me shtëpi një ish-ushtar i UÇK-së

Kryetari i Komunës së Kamenicës, Qëndron Kastrati, ka bërë të ditur që bashkë me përfaqësuesit e Unionit të Bizneseve Shqiptaro-Gjermane kanë nisur ndërtimin e shtëpisë për një ish-ushtar të UÇK-së.

Kastrati përmes Facebook-ut është shprehur falënderues ndaj kontribuuesve nga diaspora, për të gjitha investimet dhe ndihmat që i sjellin në Kosovë, përcjell albinfo.ch.

“Bashkë me përfaqësuesit e Unionit të Bizneseve Shqiptaro-Gjermane, vumë gurthemelin e shtëpisë për ish-ushtarin te UÇK-së në fshatin Hodonoc. Diasporës duhet t’u jemi falënderues për të gjitha investimet e ndihmat që i sjellin në Kosovë. Është dëshpëruese që edhe 20 vjet pas luftës, kategoritë e dala nga lufta përballen me probleme elementare. Këtë fakt duhet ta ndryshojmë”, është shprehur Kastrati.

“Drejtori i Unionit të Bizneseve Shqiptaro-Gjermane në Mannheim të Gjermanisë, Naser Hoxha dhe koordinatori Kujtim Metaj, kanë bërë një punë të mrekullueshme bashkë me diasporën tonë atje. Uroj që ky investim të mos jetë i fundit për kategoritë e dala nga lufta”, përfundon Kastrati.