Vala e dytë mund të ketë arritur kulmin në Zvicër

Ka disa shenja shpresëdhënëse që vala e dytë mund të arrijë kulmin

Numri i përgjithshëm i rasteve ra javën e kaluar krahasuar me javën e mëparshme. Në 7 ditët e kaluara, mbi 51,000 rezultuan pozitivë – 8% më pak se javën e kaluar.

Rënia u pa në të gjithë vendin, duke përfshirë edhe kantonin më të goditur, Gjenevën, shkruajnë mediat zvicerane, përcjell albinfo.ch.

Numri i njerëzve që trajtohen në Spitalin Universitar të Gjenevës gjithashtu ra pak, gati 3%.

Ministri i shëndetësisë i Gjenevës, Mauro Poggia thotë se ata po konsiderojnë që puna nga shtëpia të jetë e detyrueshme – por ai shpreson që dyqanet të jenë të hapura deri në Krishtlindje.

---