CH-Ballkani
Vargje plot emocion nga poeteshat tona të reja që jetojnë në Zvicër
Të premten, më 13 prill, në ambientet e Qendrës për Kulturë në Cyrih, adhuruesit e fjalës së shkruar patën kënaqësinë të njihen me tri poeteshat tona të reja që jetojnë në Zvicër: Edonë Haliti, Rehana Doko, Fatmire Zenelaj-Sopa.
Mbrëmjen letrare e hapi drejtori i Qendrës, Ridvan Murati, i cili pasi përshëndeti të pranishmit dhe drejtoreshën e Departamentit të Qendrave në Diasporë, zonjën Shyhrete Kastrati, foli mbi qëllimin dhe rëndësinë e këtij projekti të sapofilluar për njohjen, motivimin dhe përkrahjen e krijuesve të rinj, duke u ofruar një bashkëpunim të frytshëm për ide dhe organizime të ndryshme.
Në vazhdim fjalën e mori Miradie Maliqi, e cila është në Kryesinë e Shoqatës së Krijuesve në Zvicër. Vargje plot emocion patëm kënaqësinë të dëgjojmë nga Edonë Haliti, Rehana Doko dhe Fatmire Zenelaj-Sopa. Mbrëmjen e pasuroi edhe kori Lyra me disa këngë të vjetra qytetare, dhe gjithashtu disa vargje i dëgjuam edhe nga krijues që ishin në publik. Pas çasteve dhe atmosferës mbresëlënëse, u shtrua edhe një koktej nga nikoqiri i Qendrës, Ridvan Murati.
Të tjera nga CH-Ballkani
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe