Varrosen edhe 30 viktima të gjenocidit të Srebrenicës

AppleMark

Të martën janë varrosur 30 viktima të gjenocidit të Srebrenicës në Qendrën Përkujtimore të Potoçarit.

Këto janë kufoma jo të plota të gjetura në disa varre masive që anëtarët e Ushtrisë së Republikës Sërpska vazhdimisht i gërmuan dhe i zhvendosën kufomat, për të mbuluar gjurmët e krimit, shkruan Radio Evropa e Lirë. Në mesin e viktimave janë edhe katër fëmijë të moshës 15 dhe 16 vjeç.

Numri i viktimave të gjenocidit është 6.752, për të cilin janë dënuar më shumë se 50 persona me një total prej 700 vjetësh burg.

Nga Federata e Bosnje e Hercegovinës, 11 korriku është shpallur ditë zie, mirëpo në nivel shtetëror nuk u arrit marrëveshja për shpalljen e kësaj dite si ditë zie, pasi në seancën e Këshillit të Ministrave të Bosnje e Hercegovinës, ministrat nga entiteti Republikës Sërpska ishin kundër, përcjell albinfo.ch.

Masakra e Srebrenicës është masakra më e madhe e kryer nga ushtria e ish-Jugosllavisë në vitin 1995.