Vazhdojnë pritjet e mërgimtarëve në Merdare

Për të treten ditë rresht po vazhdon të ketë kolona e pritje në pikëkalimet kufitare Kosovë-Serbi për mërgimtarët që po kthehen pasi kanë kaluar pushimet në Kosovë, transmeton albinfo.ch. Në pikë kalimin kufitar në Merdare sipas Qendrës Kombëtare për Menaxhim Kufitar që funksionon në kuadër të ministrisë së Punëve të Brendshme kolona në këtë pikë raportohet të jetë deri në 1500 metra, ndërsa pritjet janë rreth dy orë, por që krahasuar me ditët e kaluar janë shumë më pak.

Pritje ka edhe në pikë kalimin  “Dheu i Bardh”, por që nuk shkojnë më shumë se gjysmë ore. Ndërsa në pik kalimet tjera kufitare pritjet janë shumë të vogla. Policia apelon tek mërgimtaret që të shfrytëzojnë pika kalimet tjera që mos të krijohen kolona në Merdarë.