Vdes shqiptari në Britani, u godit me pistoletë elektrike nga një oficer policie

Një 29-vjeçar shqiptar ka mbetur i vdekur pasi muajin e shkuar në Essex të Britanisë u godit me pistoletë elektrike nga një oficer policie.

Lajmi është publikuar së fundmi në mediat britanike, të cilat shkruajnë se Sali B. i cili menaxhonte një autolarje në Essex, sulmoi një oficer dhe ky i fundit qëlloi disa herë me pistoletë elektrike ndaj shqiptarit, transmeton tch, përcjell albinfo.ch.

Viktima ishte baba i tre fëmijëve, ndërsa familja e tij është në kërkim të drejtësisë. Përmes avokatëve të tyre, ata kanë treguar traumën që kanë pësuar që prej vdekjes së djalit të tyre.