Vëllezërit Avdylaj fitojnë në kick boks në Austri

Dy vëllezërit, Hekuran dhe Dardan Avdylaj, kanë dalë fitues të shtunën në mbrëmje në ndeshjet e tyre në kick boks të mbajtur të shtunën në Vjenë të Austrisë. Hekurani mposhti Sllovakun Richard Genda, kurse Dardan Avdylaj e fitoi ndaj çekun Daniel Vidoveq, ku edhe u stolis me titullin internacional të Austrisë.

“Hekurani ka fituar në rundin e tretë, ndërsa unë fitova në fund në pikë. Jemi shumë të lumtur dhe i falënderojmë të gjithë shqiptarët dhe të pranishmit që ishin në sallë për të na ndjekur”, ka thënë Dardani  për albinfo.ch.

Ndërkohë Valdrim Saliu me prejardhje nga Struga, luftoi kundër boksierit Juan Ahmad. Fatkeqësisht ai humbi me pikë në fund të ndeshjes.

Vëllezërit Avdylaj janë nga Istogu, por prej vitesh jetojnë në Vjenë. Me këtë fitore vëllai i madh, Hekurani, ka 27 ndeshje dhe 24 fitore, ndërsa Dardani 26 ndeshje dhe 22 fitore.