Lajme
Vendi evropian që po ndërmerr masa drastike për kursim energjie
Qeveria e Spanjës ka rënë dakord të vendosë masa urgjente dhe drastike për të kursyer energjinë elektrike, pas pushtimit rus të Ukrainës dhe krizës energjetike që pasoi dhe që po i afrohet Evropës.
Të gjitha ndërtesat e sektorit publik dhe qendrat tregtare, kinematë, vendet e punës, hotelet, stacionet dhe aeroportet nuk do të lejohen ta vendosin temperaturën më të ulët se 27 gradë Celsius në verë ose më të larta se 19 gradë Celsius në dimër.
”Masat u vendosën në seancën javore të kabinetit në Madrid”, tha ministrja për Tranzicionin Ekologjik, Teresa Ribera.
Ribera theksoi se masat e përshkruara në një dekret mbretëror duhet të vendosen deri në fund të një periudhe kalimtare njëjavore, pasi ato të publikohen në Gazetën Zyrtare, transmeton dpa, përcjell Albinfo.ch.
Ato do të qëndrojnë në fuqi deri më 1 nëntor 2023.
Ribera tha se masat shënojnë një paketë fillestare që është e nevojshme në një “situatë kritike”.
”Evropa ka nevojë për ndihmën e Spanjës”, tha ajo.
”Është koha për solidaritet”, theksoi Ribera.
Masat përfshijnë gjithashtu rregulla që dyqanet dhe bizneset të mbajnë dyert e tyre të mbyllura, duke përdorur një sistem automatik që duhet të instalohet deri më 30 shtator.
Qëllimi i kësaj është të shmanget largimi i ajrit të nxehtë apo të ftohtë.
Ndriçimi në zyrat e papërdorura, vitrinat e dyqaneve dhe monumentet duhet të fiken pas orës 22:00.
Ribera i bëri thirrje sektorit privat që të rrisë punën nga shtëpia.
Spanja po i merr këto dhe masa të tjera që do të vendosen pas pushimit të verës për të përmbushur angazhimet e marra në një plan evropian emergjent të rënë dakord javën e kaluar.
Vendi do të përpiqet të reduktojë konsumin e gazit me 7%.
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit