Lajme
Vendi i BE-së që pritet të ndalojë vizat turistike për rusët
Qeveria finlandeze po vihet nën presion publik dhe politik për të mbyllur kufirin lindor të BE-së me Rusinë.
Një sondazh nga Agjencia Finlandeze e lajmeve sugjeron mbështetje të fortë për ndalimin e vizave të reja turistike për qytetarët rusë.
Reagime ka pasur dhe nga media të tjera vendase. “Nuk është e pranueshme që Finlanda të lejojë turistë rusë për të kaluar pushimet dhe për të shpenzuar paratë e tyre këtu, ndërkohë që Rusia po shkatërron Ukrainën dhe po vret qytetarë të saj” thuhet në editorialin e gazetës Iltalehti.
Estonia, Letonia dhe Lituania nuk pranojnë aplikime për viza turistike. Mbyllja e kufijve do të dërgonte një mesazh të qartë për rusët, të cilët po injorojnë krimet e luftës dhe po mbështesin agresionin e saj.
Sipas ministrisë së Jashtme të Finlandës, mbi 10 mijë viza të reja turistike janë lëshuar për individë me kombësi ruse vetëm në 3 javët e para të korrikut. Të ndikuar dhe nga presioni publik, shumica parlamentare në Finlandë ka shprehur mbështetjen për kufizime më të forta. Shtete të tjera të zonës Shengen, të cilat ndajnë një kufi me Rusinë, si Estonia, Lituania, Letonia dhe Polonia, tashmë i kanë kufizuar vizat ruse.
Ndërkohë Partia e Koalicionit kombëtar ka propozuar përjashtime vetëm për ata që kanë nevojë për ndihmë mjekësore, që kanë nevojë të takojnë të afërmit apo individë të cilët zotërojnë prona në Finlandë.
Deri në miratimin e këtij vendimi, zëdhënësi i presidencës ruse, Dmitry Peskov, ka paralajmëruar se Kremlini do të reagojë negativisht për çdo vendim që mund të merret nga Finlanda për të kufizuar turistët rusë.
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Zvicër
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë