Vitaminat që duhet të merrni patjetër në vjeshtë

Meqenëse tashmë ka filluar stina e vjeshtës, gripit dhe të ftohtit, ekspertët e ushqimit kanë theksuar nevojën e organizmit për vitamin dhe ushqyerjen e shëndetshme.

Sipas një studimi të fundit, janë katër lloje të vitaminave që duhen konsumuar patjetër këto kohë, shkruan albinfo.ch.

Vitamina C – Ndër vitaminat më të njohura për forcimin e organizmit, vepron si antioksidant, lufton qelizat e këqija që shkaktojnë sëmundje të ndryshme kronike. Gjendet në portokallë, brokoli, kivi, spinaq dhe çdo barishte të gjelbër.

Vitamina D – Furnizuese e trupit me qeliza të bardha të cilat mund të quhen edhe qelizat e imunitetit të fortë. Nga 10 deri në 15 minuta ne diell mjaftojnë që trupi të fillojë prodhimin e vitaminës dhe në këtë mënyrë do të mund të keni sistem imunitar të forte.

Vitamina A – Ushqyes dhe antioksidant shumë i rëndësishëm për organizmin. Ndihmon shëndetin e syve dhe forcon sistemin imunitar të luftojë sëmundjet dhe viruset. Gjendet në patate të ëmbla, lakra, karota dhe mish të kuq.

Vitamina K – Luan rol të rëndësishëm në zhvillimin e kockave të shëndetshme dhe kundër bllokimit të enëve të gjakut. Gjendet tek lakra, gjethet e panxharit dhe brokoli.

---