Kosova
Vjedhin biçikleta dhe e-bike në Zvicër, i shesin në Kosovë – akuzohen 6 persona
Ata fajësohen se gjatë vitit 2020 kanë vjedhur mbi 250 biçikleta dhe e-bike të cilësisë së lartë në rajonin e Oltenit. Shuma e krimit, mbi 600.000 franga
Duke filluar nga pranvera e vitit 2020 janë vjedhur një numër i madh biçikletash dhe e-bike (biçikleta elektrike) në zonën e Oltenit.
Zyra e prokurorit publik në kantonin e Solothurnit tani ka ngritur akuza për vjedhje me shumicë dhe banditeske kundër gjashtë personave, transmeton albinfo.ch. Ata akuzohen se i kanë dërguar biçikletat në Kosovë, për shitje.
Hetimet kishin çuar në arrestimin e tre personave, në korrik të vitit 2020. Gjatë kontrollit nëpër shtëpia ishin sekuestruar biçikleta, e-bike dhe aksesorë. Në kuadër të procedurës hetimi është shtrirë edhe për katër autorë të tjerë të dyshuar, pasuan arrestime të mëtejshme dhe bastisje shtëpie, shkruan prokurori publik në një komunikatë.
Hetimet penale tashmë kanë përfunduar, shkruan oltnertagblatt. Ndaj gjashtë personave janë ngritur akuza dhe ndaj një personi tjetër është pushuar çështja. Gjashtë të akuzuarit tani janë burra nga 32 deri në 45 vjeç dhe vijnë nga Siria, Portugalia, Kosova, Serbia dhe Zvicra. Prokuroria publike i akuzon ata për vjedhje komerciale dhe të lidhura me bandë dhe krime të tjera.
Konkretisht, të akuzuarit fajësohen se kanë vjedhur më shumë se 250 biçikleta dhe e-bike të cilësisë së lartë në rajonin e Oltenit midis marsit 2020 dhe shtatorit 2020, transmeton albinfo.ch. Shuma e krimit është mbi 600.000 franga. Pastaj ata kanë organizuar transportin për në Kosovë për të shitur biçikletat. Prokurori beson se personat kanë vepruar në mënyrë profesionale. Në këtë përfundim ka ardhur sepse kishte ndarje të qarta rolesh dhe punës.
Disa nga të akuzuarit kanë pranuar, por disa i kanë mohuar krimet, thuhet në deklaratë. Pesë nga të akuzuarit janë vendosur në paraburgim për disa muaj gjatë zhvillimit të hetimeve penale. Një i dyshuar aktualisht është në ekzekutim të parakohshëm të masave.
Data e seancës gjyqësore në Gjykatën e rrethit Olten-Gösgen nuk është caktuar ende.
Të ngjashme
Të tjera nga Kosova
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
Historia e Nemo-s që fitoi Eurovizion-in Nemo Mettler i lindur më 3 gusht 1999 është një reper, këngëtar dhe muzikant zviceran i...
-
Cili qytet në Zvicër ka më shumë gjasa të presë Eurovision 2025?
-
Shefi i Lufthansa-s: SWISS është “flamurtari” i grupit të linjës ajrore
-
Lajmet që “përmbledhin” të hënën në Zvicër
-
Lucern: Gjykohet shqiptari, ka shitur drogë me vlerë prej 3.5 milionë frangash