Kosova
Vjenë: Lidhja e Shkrimtarëve Shqiptarë do të mbajë një orë letrare me rastin e Ditës së pavarësisë së Kosovës
![](https://www.albinfo.ch/wp-content/uploads/2024/02/420855408_360459256941882_4426913457924344428_n-587x330.jpg)
Lidhja e Shkrimtarëve Shqiptarë në Austri do të mbajë një orë letrare në ambientet e Ambasadës së Kosovës në Vjenë, më 16 shkurt 2024, shkruan albinfo.at.
Ashtu si dhe viteve të mëparshme, edhe kësaj radhe, komuniteti shqiptar në Austri do të ketë rastin që të shijojë tingullin e bukur të gjuhës shqipe përmes prozës dhe poezisë. Kjo pasi që në kuadër të shënimit të 16-të vjetorit të shpalljes së Pavarësisë së Kosovës, Lidhja e Shkrimtarëve dhe Krijuesve Shqiptarë në Austri “Aleksandër Moisiu” do të mbajë një orë letrare në ambientet e Ambasadës së Kosovës në Vjenë. Ky aktivitet kulturor zhvillohet të premten, më 16 shkurt 2024, duke filluar nga ora 17:00.
Pjesa artistike do të jetë e ndarë në tri pjesë, përgjatë të cilave do të deklamohen tekste, të cilat kryesisht i kushtohen lirisë dhe atdheut. Veçanti e këtij evenimenti do të jetë pjesëmarrja e Dr. Manjola Zaçellarit, profesoreshë e Universitetit ‘‘Aleksandër Moisiu’’ në Durrës, e cila do të paraqitet me një kumtesë mbi Ismail Kadarenë si dhe gazetarja dhe poetja nga Prishtina, Alketa Gashi-Fazliu, e cila do të prezantojë triologjinë e saj ‘‘Ato gdhendin dhimbjen’’.
Nga krijuesit shqiptarë në Austri do të paraqiten: Kimete Krasniqi – Preberza, Gjergj Kola, Gabriela Mujaj, Violeta Allmuça, Angjelina Marku dhe Zaim Toska. Për pjesën muzikore do të përkujdeset studentja Marigona Komani në violonçel, ndërsa programin do ta udhëheqë Kaltrina Durmishi. /Albinfo.at
Info rreth ngjarjes
- Data e fillimit16 Shkurt 2024
- Ora17:00
- LokacioniVjenë, Austri
- Data e përfundimit16 Shkurt 2024 - 19:00
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n