Kuriozitete

Volkswagen paraqet Golf 8, dy javë para se ta prezantojë zyrtarisht

Gjenerata e tetë e këtij modeli është parë disa herë, derisa kjo është hera e parë që shfaqet zyrtarisht nga prodhuesi.

Shumicën e vëmendjes Volkswagen e ka drejtuar kohët e fundit nga makinat elektrike të linjës ID.

Megjithatë, nuk e ka harruar një prej makinave kryesore, për të cilën tashmë e ka shpërndarë një fotografi, ku e shfaq për herë të parë dukjen e gjeneratës së tetë të modelit Golf.

Kjo vjen vetëm dy javë para se ta prezantojë zyrtarisht në bazën kryesore në kompanisë në Wolfsburg të Gjermanisë, përcjell albinfo.ch.

Dukja e jashtme nuk e dallon shumë nga Golf, vetëm se grilli i është ngushtuar shumë, dritat i ka më të holla, derisa në pjesën e poshtme ka hapësirë shumë më të madhe për futjen e ajrit. Gjë që nënkupton se do të ketë një motor të fuqishme për ta freskuar.

Lansimi i Volkswagen Golf nuk do të zgjatë shumë, pasi që do të fillojë nga muaji dhjetor i këtij viti.

Pas kësaj, Volkswagen ka bërë të ditur se deri në vitin 2022 do të punojë që ky model të shpenzojë më pak, derisa do të ketë teknologji më të lartë.