Lajme
Votuesit zviceranë shtyjnë pensionimin e grave nga 64 në 65 vjeç
Nisma, e cila ka ngjallur interesin më të madh ishte ajo për reformimin e AHV-së dhe rritja e moshës së pensionimit për gratë, nga 64 në 65 vjeç
Reforma e AHV-së (e pensioneve) është miratuar nga viotuesit zviceranë në referendumin e mbajtur sot. Kur bëhet fjalë për moshën e pensionimit të grave në moshën 65-vjeçare, përqindja e po-së është mjaft e nushtë, 50.6 për qind. Nga ana tjetër, fitorja në votimin për rritjen e TVSH-së është e qartë, me 55.1 për qind.
Elektorati ka hedhur poshtë me 52 për qind heqjen e pjesshme të tatimit burimor, në votimin përkatës.
Nisma e fermerëve për mbajtjen masive të kafshëve ka dështuar, si në numrin e kantoneve që e kanë përkrahur ashtu edhe në shumicën e njerëzve me 62.9 për qind pa vota.
Sidoqoftë, nisma e cila ka ngjallur interesin më të madh të publikut ka qenë ajo për reformimin e AHV-së dhe në veçanti, në këtë kuadër, rritja e moshës së pensionimit per gratë, nga 64 sa ka qenë, në 65 vjeç, shkruan albinfo.ch.
Gratë nga partitë e majta, kryesisht PS, e kanë përjetuar shumë rëndë këtë humbje dhe kanë paralajmëruar greva kundër ligjit përkatës.
Ndërsa ministri Alain Berset, po nga PS, duke komentuar reformën e AHV-së ka thënë: “Reforma u pranua dhe kjo është simbol solidariteti”. E gjithë kjo është e rëndësishme për stabilitetin, sipas ministrit Berset. Financimi është i rëndësishëm. “Jo të gjitha problemet janë zgjidhur në këtë mënyrë”. Kjo reformë ishte e nevojshme. Kompensimet në reformë janë të rëndësishme për gratë.
Sipas Berset “Këshilli Federal e merr parasysh rezultatin me modesti të madhe Edhe pakica që kësaj radhe është fare pak më e ulët se shumica fituese, tani duhet të dëgjohet, transmeton albinfo.ch. “Kjo reformë ishte absolutisht e nevojshme.” Sipas Berset, tani nevojitet edhe një reformë urgjente e shtyllës së dytë.
Në lidhje me rezultatin e ngushtë të reformës AHV, ministri i Brendshëm sqaron gjithashtu: “Duhet të gjejmë zgjidhje kundër diskriminimit të grave”.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?