Vritet me thikë shqiptari 19 vjeçar

Tash për tash nuk dihet arsyeja e këtij konflikti, nga i cili ka mbetur i vdekur shqiptari 19 vjeçar dhe ishin plagosur dy persona 18 dhe 19 vjeçarë, njëri prej të cilëve, rëndë

Në Wiesbaden, në natën në mes të së shtunës dhe të së dielës është vrarë me thikë një shqiptar 19 vjeçar. I ndjeri, një i ri i lindur në Wiesbaden bënte pjesë në një grup prej gjashtë personash që  në orën 3.30 të mëngjesit ishin takuar me një grup prej tre vetash, shkruajnë mediat gjermane. Sipas hetimeve të deritashme, në sheshin Mauritiusplatz, zonë e këmbësorëve ka plasur një zënkë në mes të dy grupeve.

Tash për tash nuk dihet arsyeja e këtij konflikti, nga i cili ka mbetur i vdekur shqiptari 19 vjeçar dhe ishin plagosur dy persona 18 dhe 19 vjeçarë, njëri prej të cilëve, rëndë.

Grupi prej tre vetash që konsiderohet si agresor në këtë rast, ka ikur nga vendi i ngjarjes, përcjell albinfo.ch Një numër i madh policësh është mobilizuar për të ndjekur dhe identifikuar  fajtorët.