Lajme
Vritet polici malazez, dyshohet se u qëllua nga një shtetas i Kosovës
Pjesëtari i Policisë Kufitare të Malit të Zi, Milutin Lekoviq (41 vjeç), ka vdekur sonte në spitalin e Risanit, si pasojë plagëve të rënda që mori nga arma e zjarrit në Igallo, nga sulmues të paidentifikuar, por që dyshohet se janë shtetas të Kosovës.
Televizioni publik i Malit të Zi, duke u thirrur në raportin e policisë, njofton se sot rreth orës 14:45, në rrugën ‘Sava Iliq’ në Igallo, gjatë arrestimit të tre personave që nuk posedonin dokumente identifikimi, por që dyshihet se janë shtetas të Kosovës, njëri prej tyre nga arma ka shtënë drejt automjetit të policisë, duke qëlluar me një predhë policin Lekoviq, të cilin e plagosi rëndë.
Mjekët në spitalin e Risanit për disa orë bënë përpjekje t’ia shpëtojnë jetën, por ai nuk i mbijetoi plagëve të marra, përcjell Telegrafi.
Sulmuesit, dy meshkuj dhe një femër, pas sulmit u larguan në drejtim të panjohur. Mirëpo, ata u ndoqën nga policia dhe u vendos bllokada e qytetit, si dhe një zonë më e gjerë kufitare drejt Kroacisë. Të dyshuarit ishin vendosur në zonën e Sutorina dhe u arrestuan rreth orës 17:00.
Me rastin e arrestimit vjen deri te shkëmbimi i zjarrit, kur burri i moshës rreth 45 vjeç, drejtoi armën kah policia. Me këtë rast sulmuesi u plagos nga policia, kurse dy të tjerët, një burrë rreth 50 vjeç dhe një grua rreth 70 vjeç, u arrestuan.
Mediat në Kosovë, duke cituar portale malazeze e serbe, kanë raportuar se tre të dyshuarit ishin shtetas kosovarë, por Policia malazeze thotë se nuk kanë informacione për identitetin e mundshëm të të dyshuarve dhe se janë duke zhvilluar aktivitete për të konfirmuar këtë informacion me shërbimet partnere, shkruajnë mediat kosovare, përcjell albinfo.ch
Të ngjashme
Të tjera nga Lajme
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike