Bota

Vuçiqi nga Moska përjashton planin për korrigjimin e kufijve

Presidenti serb, Aleksandar Vuçiq, ka qëndruar gjatë ditës për vizitë në Moskë. Gjatë takimit me presidentin rus, Vuçiq tha se kanë biseduar gjerë e gjatë për Kosovës, për atë se çfarë dëshiron Serbia dhe cili është roli i Rusisë në këtë.

“Kam biseduar rreth situatës, nëse provokimet e shqiptarëve do të vazhdonin dhe nëse do të ekzistonin sulme ndaj popullit e pronës sonë në Kosovë. I pyetur nëse e kishte informuar Putinin për planin për korrigjim kufijsh, Vuçiqi ka thënë se nuk ka çfarë të flasë për planin, të cilin e refuzuan shtetet anëtare të BE-së, por edhe serbët e shqiptarët. “Mendoja se kjo ishte zgjidhje racionale, por askush tjetër nuk mendoi kështu”, tha presidenti serb. 

Pas kësaj vizite Serbia pret që në dy apo tre javët e ardhshme të kuptojë datën kur Putini do ta vizitojë Serbinë.