VV-ja kërkon hetim nga Prokuroria për gjendjen në Telekom

"NjerIu q%S3AB e ka paralajmëruar në mars krimin në Telekom është Ismet Hamiti, ai me emër e mbiemër denoncoi. Telekomi mund të shpëtohet dhe zhvillohet. Prokuroria të hetojë"

Lideri i Lëvizjes Vetëvendosje, Albin Kurti, për të tretën ditë më radhë ka dalë në konferencë për media por kësaj radhe nuk ka folur për dialogun por për problemet e fundit rreth krizës së Telekomit të Kosovës, transmeton albinfo.ch.

Ai ka thënë se kjo gjendje në këtë kompani është bërë si shkak i krimit. “Në Telekom nuk janë lejuar investimet dhe është kërcënuar me privatizim. Njeriu që e ka paralajmëruar në mars krimin në Telekom është Ismet Hamiti, ai me emër e mbiemër denoncoi. Telekomi mund të shpëtohet dhe zhvillohet. Prokuroria të hetojë. Ne po e tregojmë zgjidhjen, po ua lëmë atyre”, ka thënë Kurti.

Ndërsa Profesori i cili ka studiuar më në thellësi Telekomin e Kosovës, Ismet Hamiti theksoi se Prokuroria e Shtetit duhet të angazhohet në nxjerrjen nga kriza të kësaj kompanie publike. Hamiti më tej deklaroi se përgjegjëse për shkatërrimin e Telekomit janë të gjitha Qeveritë edhe kjo aktualja po ashtu.