VV-ja, në tryezën e radhës, do të kërkojë zgjedhje të parakohshme

“Kjo tryezë mbahet me synim arritjen e konsensusit për realizimin e zgjedhjeve të parakohshme parlamentare në Republikën e Kosovës..."

Tryezat e partive politike në Kuvendin e Kosovës do të vazhdojnë të premten e ardhshme. Këtë radhë atë e organizon Lëvizja VETËVENDOSJE, të cilin e ka titulluar “Zgjidhja nëpërmjet zgjedhjeve”, e në të cilinë janë ftuar të gjitha partitë politike në Kosovë.

“Kjo tryezë mbahet me synim arritjen e konsensusit për realizimin e zgjedhjeve të parakohshme parlamentare në Republikën e Kosovës, si zgjidhja demokratike që do të mundësonte krijimin e një qeverisjeje legjitime të shumicës për të çuar përpara proceset e domosdoshme politike dhe ekonomike për shtetndërtimin e Republikës së Kosovës, zhvillimin e vendit dhe integrimet euro-atlantike, duke përfshirë këtu edhe pakicat në shtetin tonë e raportin me fqinjtë tanë”, thuhet në njoftim.