Futboll

Xhaka u kundërpërgjigjet kritikëve

Granit Xhaka shpesh herë ka qenë në qendër të vëmendjes tek Arsenali. Ai ka shkëlqyer, por edhe ka marrë shumë kartonë.

I fundit ishte kundër Burnley më 13 dhjetor, ku u ndëshkua me të kuq. Por, mesfushori i Zvicrës, në derbin e fundit londinez ndaj Chelseat, shënoi një super gol nga gjuajtja e lirë, përcjell albinfo.ch.

“Shumë njerëz folën pas kartonit të kuq. Shumë njerëz filluan të flasin përsëri, përsëri e përsëri”, është shprehur Xhaka.

Por, ai mbetet një nga lojtarët me më shumë paraqitje në skuadrën londineze në vitet e fundit.

“Unë gjithmonë do ta shfaq karakterin tim. U zhgënjeva shumë për kartonin e kuq dhe e di se gabova. Por jam më shumë se i lumtur që e ndihmova ekipin dhe tani jam rikthyer”, theksoi Xhaka.


LAJME INTERESANTE NGA INTERNETI