Futboll

Shaqiri mund të bëhet yll botëror

Ish-trajneri i tij, Thorsten Fink, e ka vlerësuar lart yllin shqiptar

Xherdan Shaqiri është futbollisti i vetëm shqiptar që ka fituar dy herë Ligën e Kampionëve. Ai në edicionin e fundit me Liverpoolin kishte ngritje dhe ulje, megjithatë, është shumë i rëndësishëm për skuadrën e Jurgen Klopp.

Thorsten Fink e ka vlerësuar lart yllin shqiptar. “Shaqiri po bëhet një lojtar i rëndësishëm dhe është në rrugë për t’u bërë njëri prej më të mirëve në botë”, është shprehur ish-trajneri i Bazelit, përcjell albinfo.ch.

“Jam ende i bindur se Xherdani mund të bëhet një yll botëror”, është shprehur 51-vjeçari për mediat zvicerane.

Fink shtoi se Shaqiri duhet të vendosë për të ardhmen nëse dëshiron të largohet, megjithatë, asnjëherë nuk dyshon në cilësitë e tij.