Lajme
Ylfete Fanaj nis mandatin e kryeparlamentares me moton “Bukë, kripë e zemër”
Kryetarja e parlamentit, Fanaj, në lidhje me vlerat e mikpritjes të përmendura si moto e nisjes së mandatit të saj ka thënë se "kripa siguron biseda të mira ndërsa zemra qesh kur ke një shtëpi plot me njerëz..."
Kryetarja e re e Parlamentit të Kantonit të Lucernit, Ylfete Fanaj (PS) ka hapur mandatin e saj me moton “Bukë, Kripë dhe Zemër”. Kjo moto lidhet me traditat shqiptare që ajo sjell me vete nga Kosova, në Zvicër.
Ajo e sheh rolin e saj si një nikoqire, ka thënë Fanaj në fjalimin e saj përurues të kësaj seance.
Duke pasur këtë në mendje, ajo dëshiron t’u japë nga një zë të gjithë të ftuave, shqetësimet e të cilëve përndryshe dëgjohen rrallë, shkruan Luzerner Zeitung.
Hyrjen në këtë seancë parlamentare të martën e ka bërë me fjalimin e saj Ursulina Hermann. Ajo ka qenë në gjendje të kryente shkollimin për komercialiste pavarësisht paaftësisë që e kishte që nga lindja, transmeton albinfo.ch. Ajo ka folur për shqetësimet e njerëzve me aftësi të kufizuara dhe fjalimi i saj është përkthyer nga një përkthyes i gjuhës së shenjave.
Kryetarja e parlamentit, Fanaj në lidhje me vlerat e mikpritjes të përmendura si moto e nisjes së mandatit të saj ka thënë se “kripa siguron biseda të mira ndërsa zemra qesh kur ke një shtëpi plot me njerëz.
Pastaj, pjekja e bukës është si të bësh një aktivitet politik: duhet ta gatuash brumin mirë. Të marrësh përbërësit dhe sasitë e duhura. Nëse simitet nuk dalin ashtu siç i keni parashikuar, duhet të bëni një fillim të ri”, ka folur me simbole, kryeparlamentarja e re me rrënjë shqiptare nga Kosova.
Politikanja 38-vjeçare e PS jeton në Zvicër që nga viti 1991 dhe është anëtare e Parlamentit Kantonal që nga viti 2011. Nga viti 2015 në 2019 ajo ka drejtuar grupin parlamentar të PS në Këshillin Kantonal, përcjell albinfo.ch. Në qershor ajo është zgjedhur kryetare e Parlamentit Kantonal dhe kështu, ajo zyrtarisht është “gruaja më e lartë e Lucernit” për mandatin 2020/2021.
albinfo.ch ka ndjekur aktivitetin politik të Fanajt që nga viti 2010 ndërsa ka transmetuar drejtpërdrejtë edhe zgjedhjen e saj në postine kryeparlamenatres më 23 qershor 2020. Edhe në solemnitetin e organizuar me atë rast, ajo kishte ndërthurur elemente simbolike shqiptare, duke sjellë, veç tjerash këngën “Moj e bukura More”, të kënduar nga një këngëtare zvicerane. Po ashtu, asaj me atë rast i ishte dhuruar një pikturë e artistit shqiptar që jeton në Zvicër, Samedin Asllani.
E-Diaspora
-
Kori i Filharmonisë së Kosovës do të përformojë me një program të mrekullueshëm në Itali Bëhet e ditur se në qytetin me traditë të vjetër muzikore, në Romë, Kori i Filharmonisë...
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
Jeta në Zvicër
-
SBB do të drejtojë 49 trena shtesë për në Ticino në fundjavën e Pashkëve Për festën e Pashkëve, kantoni më jugor i Zvicrës përjeton zakonisht një fluks udhëtarësh nga zona...
-
Ka rënë përdorimi i parave të gatshme në Zvicër
-
Studimi më i madh rreth kanabisit në Zvicër fillon në Cyrih
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes