Ylfete Fanaj fiton mandatin e dytë në Parlamentin e Kantonit të Lucernit

Ylfete Fanaj

Sipas rezultateve provizore, me 4968 vota, Ylfete Fanaj ka siguruar rizgjedhjen në Parlamentin e Kantonit të Lucernit. Në zgjedhjet që janë mbajtur sot, për parlamentin dhe për ekzekutivin e kantonit të Lucernit, kandidatja shqiptarozvicerane, Ylfete Fanaj ka siguruar edhe një mandat në këtë parlament.

albinfo.ch merr vesh se ajo ka fituar numrin e dytë më të madh të votave nga  kandidatët e partisë në rrethin e saj zgjedhor dhe në gjithë kantonin

Fanaj është aktive në politikë prej një kohe të gjatë. Ajo, nga viti 2011 ka qenë deputete e Partisë Socialdemokrate në Parlamentin e Kantonit të Lucernit. Para kësaj ajo ka përfaqësuar po këtë parti në Asamblenë e qytetit të Lucernit.

Fanaj ka qenë femra e parë shqiptare në Zvicër, e zgjedhur në një parlament kantoni dhe asamble komune.

Për një kohë Ylfete Fanaj ka qenë edhe kryetare e organizatës [email protected] në nivel të Zvicrës.

Ajo ka qenë dhe është shumë aktive në jetën shoqërore të shqiptarëve të Zvicrës.

Sipas informatave që albinfo.ch ka mundur të sigurojë deri më tash, asnjëri nga kandidatët tjerë shqiptarë për Parlamentin e Kantonit të Lucernit nuk kanë siguruar numrin e nevojshëm të votave për t`u zgjedhur në këtë nivel. Shumica e tyre kanë kandiduar për Juso-n, [email protected] dhe për CVP-në.

LAJME INTERESANTE NGA INTERNETI