Lajme
Ylfete Fanaj nominohet për Këshillin Qeveritar të Lucernit
Ylfete Fanaj do të garojë për të fituar vendin në Qeverinë e Kantonit të Lucernit për PS-në e kantonit, vend ky, të cilin PS e kishte humbur në vitin 2015
Politikania e suksesshme shqiptare në Lucern, Ylfete Fanaj është nominuar për Këshillin Qeveritar të Kantonit të Lucernit, në zgjedhjet e 2 prillit të vitit 2023.
Ylfete Fanaj do të garojë kështu për të fituar vendin në këshillin qeveritar të Lucernit për PS-në e kantonit të Lucernit. Vend ky, të cilin PS e kishte humbur në vitin 2015, transmeton albinfo.ch. Partia e ka nominuar zyrtarisht 40-vjeçaren pasditen e së shtunës në Wolhusen LU.
Fanaj ka fituar ndaj dy kandidateve të tjerë në dy votime, ka thënë sekretari i partisë Sebastian Dissler, shkruan sda.ch. 180 veta kanë marrë pjesë në takimin e nominimit, në Wohlhusen.
Në votimin e parë Ylfete Fanaj mori 81 vota, Melanie Setz Isenegger 52 vota dhe Yvonne Zemp Baumgartner 38 vota. Në raundin e dytë Fanaj mori 95 vota, ndërsa Setz, 73 vota.
Këshilli qeveritar i Lucernit aktualisht përbëhet nga 5 burra, të gjithë të partive të djathta. Nga viti 2015 aty nuk ka pasur asnjë përfaqësues nga partitë e majta dhe asnjë grua.
Njoftimin për nominimin e saj e ka bërë të ditur Ylfete Fanaj në rrjetet sociale, përcjell albinfo.ch.
“Jam e kënaqur që jam nominuar si kandidate për këshillin qeveritar për zgjedhjet e 2 prillit 2023!
Dëshiroj të falënderoj partinë time për besimin e madh. Jemi shumë gati për fushatën zgjedhore! Ju tashmë mund të më mbështesni: bashkohuni në komisionin tim www.ylfetefanaj.ch!
Do të doja të falënderoja Yvonne Zemp Baumgartner dhe Melanie Setz për kohën e mrekullueshme së bashku!
Kam mësuar shumë nga ju. Ne mund të ndryshojmë vërtet vetëm nëse më shumë prej nesh janë të dukshëm dhe mbështesim njëri-tjetrin”, ka shkruar Fanaj.
Ylfete Fanaj është shqiptarja që ka arritur më së larti në politikën zvicerane deri më tani. Ajo ka qenë kryetare e Parlamentit të Kantonit të Lucernit, pas një përvoje rreth 15 vjeçare si asambleiste e qytetit të Lucernit dhe pastaj, e kantonit të Lucernit.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët