Maqedonia
Zaev flet për arratisjen e Gruevskit
Shtatë muaj pasi Nikolla Gruevski u arratis në mënyrë spektakolare nga vendi në Hungari, për të mos shkuar në burg, dhe pas suksesit të diskutueshëm të takimit midis Zoran Zaevit dhe Angela Merkelit, kryeministri në një intervistë për gazetën gjermane “Frankfurter Algemaine Cajtung” tha se e di si ka ikur ish-kryeministri.
“Tani e dimë se si.G ruevski hyri në bodrumin e ndërtesës me një ashensor dhe u fsheh atje në bagazhin e veturës që e çoi jashtë vendit. Në Shqipëri, e ka pritur një makinë diplomatike hungareze”-tha Zoran Zaev në intervistë për FAC.
Gjatë muajve të fundit, publiku në Maqedoni ka thurur skenarë të ndryshëm rreth ikjes si në filma të Gruevskit. Një prej tyre është kjo që vendosi publikisht ta tregojë kryeministri Zoran Zaev. Megjithatë, ai në intervistën për gazetën, u pyet përse hetimi për vendndodhjen e Gruevskit, filloi tre ditë pas ditës kur ai duhej të paraqitej në burgun e Shutkës, Zaev u përgjigj:
“Në vend, është e zakonshme që kriminelët kur thirren të premten për të vuajtur një dënim me burg, ta kalojnë fundjavën në shtëpi. Nuk mundëm ta ndryshonim këtë vetëm për Gruevskin”
Për momentin, përgjigje të saktë se si iku Nikola Gruevski para syve të PSP-së, gjykatës dhe policisë nuk ka. Si doli nga vendi, kjo bazohet në supozime. Nuk është regjistruar në asnjë kalim zyrtar kufitar me Shqipërinë, as nuk është regjistruar nga kamerat e sigurisë. Supozimet janë se u arratis përmes një kalimi ilegal në Dibër me logjistikë vendase dhe të huaj. Gruevski, pasi mbërriti në Shqipëri, ka kërkuar azil në ambasadën hungareze dhe përmes Malit të Zi dhe Serbisë, ka mbërritur në Hungari. Menjëherë ka fituar azil nga qeveria e Viktor Orbanit. Gruevski disa ditë më parë u regjistrua nga gazetarët hungarezë duke shkuar në apartament për një takim me Zëvendëssekretarin e Shtetit në Ministrinë e Jashtme hungareze – Ishtvan Jo. Sipas gazetarëve, apartamenti përdoret për takime sekrete nga agjencitë e sigurisë. Konfirmim për takimet e Gruevskit me përfaqësuesit e lartë të Ministrisë së Jashtme erdhi edhe nga Ministri i Jashtëm hungarez Peter Sijarto, i cili tha se takon rregullisht ish-Kryeministrin dhe nga Gruevski merr informacione se çfarë po ndodh në Ballkanin Perëndimor, shkruan AlsatM, përcjell Albinfo.ch.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Sa aktivë janë spiunët kinezë në Zvicër? Këto ditë ka pasur disa arrestime në Gjermani për spiunazh të dyshuar për Kinën dhe një...
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve