Zaev thotë se çështja emrit zgjidhet me kalimin e sovranitetit në BE

Zgjidhja përfundimtare e kontestit rreth emrit me Greqinë mund të arrihet paralelisht me procesin e anëtarësimit të Maqedonisë në Bashkimin Evropian, ka thënë kryeministri i Maqedonisë, Zoran Zaev.

Ai ka deklaruar se deri në zgjidhjen përfundimtare, dy vendet mund të arrijnë një marrëveshje të përkohshme.

“Ndoshta zgjidhja përfundimtare do të jetë e lidhur me votimin e qytetarëve Maqedonisë, duke i dhënë sovranitetin tonë Bashkimit Evropian, ku dëshirojmë të anëtarësohemi dhe atëherë hapet edhe Kushtetuta. Ndoshta këtu është zgjidhja, për shkak se siç e dini, Greqia kërkon edhe ndryshimin e Kushtetutës për ndryshimin e emrit kushtetues… Zoran Zaev dhe Aleksis Cipras mund t’i shtrijnë duart dhe të arrijnë marrëveshje, por institucionet janë ato, të cilat e nxjerrin qëndrimin përfundimtar, sikur edhe qytetarët e të dy vendeve”, ka thënë Zaev në një intervistë për Radion Evropa e Lirë, përcjell albinfo.ch.